Ikatan Warga Gaduik

Jabodetabek & sekitarnya

Labiah Dakek jo Bapak Dr. Erman Syamsuddin Sutan Parpatiah

with 6 comments

Dunsanak kito nan surangko buliah dikecekkan lah banyak juo parasaian baliau dalam IWARGA, dilahirkan di Bukittinggi (sabana no di Laiang Pandam Gadang Gaduik) tanggal 4 Maret 1957, anak dari Nyiak Labai Marajo (parnah wali nagari di zaman kemerdekaan duluno jo Ibu Sarbiatun, guru SD), kamanakan Inyiak Dt Tan Gagah, suku Bicu di Laiang. Karano diondoh PRRI baliau dibao ka Bukittinggi di kompleks pertanian jo Inyiak Lambau, alm. Rabain St. Parpatiah (pernah Kepala Dinas Pertanian Sumbar), dan Inyiak alm. Dt. Tan Gagah (Baharuddin, terakhir Pegawai Dinas Pertanian Juo). Sekolah SD, SMP, SMA ditamaikan di Bukittinggi dan manyambuang ka Fakultas Hukum, Universitas Andalas di Padang, tamaik tahun 1982, sasudah tamaik bakarajo di Kanwil Pendidikan Sumatera Barat sampai tahun 1997.

Salamo kuliah di Padang, basamo jo mahasiswa dan pemuda nan barasa dari Gaduik mambantuak IPEMEGA Padang (Ikatan Pemuda dan Mahasiswa Gaduik). IPEMEGA dulu ado hanyo di kampuang dan katiko tu dibuek lo di Padang, jo dunsanak nan lain: Andri Anwar, Dt Majo Endah, alm. Saidina Ali, alm. Hanif, Asyiardi, Petra, dan Halimah (kini jadi pengurus IWARGA Jabotabek). Dan banyak lai dunsanak kito nan lain nan indak bisa disabuikan ciek ciek (tahun 1980 an).

Sasudah tu basamo-samo jo nan tuo-tuo (Inyiak Dt. Bandaro Putiah, Inyiak Dt. Bagobah, Inyiak Dt. Tan Gagah, Inyiak Dt. Rajo Sikampuang, alm. Uda St. Pamenan, Mamak Nurmali St. Barbangso, Uni Murni, Uda Munzir Gani, dll., mambantuak IWARGA kota Padang dan Pak Erman ko tigo kali manjadi sekretaris (waktu itu Ketua Inyiak Dt Banjaro Putiah duo periode (1984 – 1987 dan 1987 – 1990) dan Inyiak Dt Bagobah satu periode (tahun 1990 – 1994), dan terakhir baliau manjadi ketua sabalun pindah ka Jakarta (1994 – 1997).

Jadi, salamo di Padang ado sekitar 17 tahun mauruih urang Gaduik, baiak sebagai Ketua IPEMEGA, Sekretaris, maupun sebagai Ketua IWARGA Kota Padang.

Sajak tahun 1997 pindah ka Jakarta dan bakarajo di Departemen Pendidikan dan Kebudayaan (kini banamo Kementerian Pendidikan Nasional sebagai Direktur Pendidik dan Tenaga Kependidikan Nonformal, Ditjen PMPTK, lt. 13 (Gedung D), tampek tingga baliau di Jalan Seruni IV/9, Bumi Malaka Asri, Duren Sawit (sabalun no tahun 1997 – 2000 tingga di Galaxi Bekasi Selatan). Namo urang rumah baliau Prof. Dr. ILZA MAYUNI, MA, dosen Universitas Negeri Jakarta dan mantan Dekan FBS duo periode (2002 – 2005 dan 2006 – 2009), mampunyai anak gadih baduo urang, Gita Handayani (mahasiswi S2 Psikologi UI) dan Ridha Ghassini (mahasiswi S1 Komunikasi UGM).

Moto iduik baliau nan dijalankan sajak dulu “Baa supayo iduik ko baguno bagi urang lain salain untuak diri sandiri” sederhana tapi penuh makna, mengalir dan iklas. Itulah saketek tantang Ketua Ikatan IWARGA Jabodetabek dan sakitar no periode (2000 – 2013).

Written by Yerry Edvian

Agustus 27, 2010 pada 12:32 pm

Ditulis dalam Profile

6 Tanggapan

Subscribe to comments with RSS.

  1. Assalamu’alaikum….
    Sebelumnyo ambo maucapkan selamat kapado da Ed sebagai penulis kolom ko. Profil dari seorang pak ketua IWARGA nan singkat, padat, dan berisi. Manuruik ambo kolom ko sangat baiak untuak dikembangkan. Usul ambo ka dunsanak-dunsanak nan mengetahui tentang profil dari pengurus maupun anggota IWARGA, sebaiknyo ditulis di kolom ko. Selain untuak labiah saling mengetahui sacaro labiah dalam, itu juo bisa baguno untuak manjadi motifasi di awak-awak nan masih mudo-mudo ko.
    Wassalamu’alaikum….

    Rijal T Rajo nan Sati

    Agustus 30, 2010 at 1:56 am

  2. Rijal, profil ko ditulis dek salah surang pengurus IWARGA. Ambo cuma manolong malatak-an di blog awak ko sajo…

    Yerry Edvian

    Agustus 30, 2010 at 2:55 pm

    • OK da Ed 86…..

      rijal taufik

      September 27, 2010 at 1:57 am

  3. Kepada Bpk ,yth

    Bpk direktur Dr Erman Syamsuddin pembina PAUD di sumatr utara agar bisa meneliti kembali data yg ada di kabupaten batu bara mengenai PAUD , di karena kan ada beberapa PAUD yg menurut kami , dan kami liht tdk memenuhi syarat syarat dlm ketentuan PAUD itu / sendiri , tetapi tetap mendapatkan bantuan bantuan seperti intensif ,BOP, dan lain lain sebagainya . kami berharap provinsi memeriksa PAUD PAUD yg ada di bt bara .

    masyarakat batu bara sumatra utara

    Desember 25, 2011 at 5:24 am

  4. Kpd Bpk yg tht,
    Bpk Dr erman syamsuddin direktur pembinaan PAUD di sumut
    kpd Bpk perwakilan kami di provinsi, kami sebagai warga negara mengharapkan agar Bpk dpt meneliti kembali mengenai pendidikan anak usia dini (PAUD)
    khususnya yg ada di kabupaten Batu Bara , yg kami nilai ada permainan oknum oknum yg bersangkutan , yg merugikan negara dan bangsa kita .
    fahta yg kami lihat di lapangan dari beberapa PAUD yg ada di lapangan yg tidak memenuhi syarat dlm pendirian PAUD tersebut namun tetap saja menerima bantuan bantuan dari dana anggaran negara untk daerah .
    kami harap melalui Bpk bisa menurun kan tim yg bersangkutan untk dpt meneliti dan mendata kembali PAUD – PAUD yg ada di daerah kami , semoga dana dana yg ada tersalur tepat sasaran untk kemajuan bangsa dan negara .
    atas perhatian Bpk kami mengucapkan terimah kasih . masyarakat Batu Bara

    masyarakat

    Desember 26, 2011 at 9:45 am

  5. mak bilo acara kumpua iwarga tahun kini..?

    tri

    Agustus 26, 2013 at 8:38 am


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: